Ærgildaspjall Smaladrengs

Lokað

2009-09-11T23:10:00.001Z

Lokað í einhvern tíma... kannski að eilífu. Hver veit?

Tips

2009-01-14T23:55:00.002Z

Hér er smá tips fyrir þá sem finnst gott að liggja berrassaðir á skiptiborði.

Skref 1: Kukaðu smávegis í bleyjuna svo foreldri eða forráðamáður verði vitni að.
Skref 2: Eftir að foreldri eða forráðamaður hefur skipt um bleyju lætur þú stóru sprengjuna í nýju bleyjuna.
Niðurstaða: Tvær ferðir á skiptiborðið á stuttum tíma.

Athugið að nota þessa aðferð í hófi, við ofnotkun verður biðtími sprengju-til-skiptiborðs lengri vegna skiptileti foreldra eða forráðamanna.

Sonu

2008-12-29T00:05:00.002Z

-Ramses nuddar stýrurnar

Jæja, mér hefur fæðst sonu. Hann fékk vinnuheitið Ramses í móðurkviði og heldur því enn um sinn.

Ramses fæddist klukkan 02:00 þann 21. desember 2008, kennitala hans er því 211208-xxxx. Töff. Hann vó 3350 kg. og var 51,5 cm. langur.

-Við feðgarnir að lúlla

Engar fréttir eru ekkifréttir

2008-12-16T22:21:00.003Z

Það er ekkert barn komið og virðist ekkert ætla að koma. Á meðan við bíðum er farið í verslanir og leitað að jólagjöfum sem virðast finnast bæði seint og illa. Til marks um mikið búðarráð má nefna að heimsóknir mínar í Hagkaup eru komnar á annan tuginn. Aldrei hef ég farið jafn oft á jafn skömmum tíma í sömu búðina. Það þori ég að fullyrða.

Um síðustu helgi ákváðum við Alma að gera eitthvað tvö saman og lögðumst niður með ælupest, ég á föstudagskvöld og Alma svo á laugardagsmorgun. Það gerir heimilislífinu svo gott að eiga svona stundir saman. Þess má geta að ég er skemmtilegur undir venjulegum kringumstæðum en þegar ég slappur er tvöfaldast skemmtilegheitin í réttum hlutföllum við veikindin.

Jæja, ég set kannski inn fréttir af barnsburði á næstunni. Annars er það ekkert víst.

RVK Cribs

2008-11-17T20:23:00.003Z

Bloggið hefur verið í lægð að undanförnu. Bloggið hefur ávallt verið tengt gengisvísitölu íslensku Krónunnar og er því, eðlilega, ekki uppá sitt besta akkúrat núna.

Margt hefur á daga mína drifið að undanförnu. Í vinnunni var ég sakaður um að setja mann á hausinn, en sá hinn sami reiddist þegar ég neitaði að millifæra yfir á hann fjórar milljónir sem hann átti inni hjá „ríkinu“ eftir girðingavinnu í sumar. Ég get verið mjög kaldrifjaður í vinnunni.

Þá er jólaundirbúningur í fullum gangi á þessu heimili enda má gera ráð fyrir að desember fari í annað en jólabakstur og verslunarferðir. Því eru einhverjir svo heppnir að fá frá mér jólagjafir af kreppuútsölum, sorrý. Annars er það hugurinn sem gildir.

Brátt fer erfingjaundirbúningur að ná hæstu hæðum. Í gær setti ég saman barnarúm og á dagskránni á næstunni er að koma því fyrir inni í svefnherbergi með tilheyrandi raski á fyrri uppröðun. Hugsanlegt er að sjónvarpi nr. 2 verði fórnað. Það sem maður leggur á sig.

Í lokin skal taka fram að samfélagsrýni um umræður liðinna mánaða, stöðu íslensks samfélags í alþjóðlegu samhengi og hvernig íslenskum efnahag á eftir að ríða af til langs tíma má ekki vænta frá mér á næstunni. Sjáumst seinna.

Rússland

2008-10-07T19:43:00.002Z

Ég tel það augljóst að láni frá Rússlandi fylgi meira en bara mánaðarleg greiðslubyrgði. Augljós pólitískur þrýstingur fylgir og velvild austureftir blasir við svo ekki sé minnst á áskrift af 12 stigum Íslands í júróvísjón.

Eymd og volæði

2008-10-04T19:26:00.002Z

Aldur er afstæður segja sumir á meðan aðrir halda því fram að ekkert líf sé eftir 25 ára aldurinn. Ég hef alltaf verið meira á því að hið fyrrnefnda væri rétt en eftir afmælið mitt þann 1. október sl., er ég varð 26 ára, er ég þess fullviss að lífið eigi nú eftir að verð eymd og volæði eitt.
Það er ýmislegt sem ég hef til að rökstyðja mál mitt. T.d var ég að vinna 12 tíma á afmælisdaginn, daginn eftir brast á snemmbúinn vetur með kulda, snjó og hálku, krónan hefur veikst og gengi erlendra gjaldmiðla hefur flogið upp og skollið hefur á kreppa.

Allt þetta tengi ég við afmælisdag minn, þá má fastlega gera ráð fyrir því að góðæri fyrri ári hafi einnig tengst aldri mínum og þeim hápunkti sem það var að ná, en nú er allt búið ég er orðinn 26 sumarið búið og hagkerfið að hrinja. Sorrý, við áttum í það minnsta 25 góð ár saman.

Sparifé

2008-09-30T09:04:00.002Z

Ég vona að sparifé mínu sé borgið hjá Sparisjóði Hornafjarðar og nágrennis.

Styðjum verðugan málstað

2008-09-26T15:32:00.002Z

2008-09-09T11:02:00.000Z

Kapítalismi

2008-09-07T21:37:00.002Z

Svona fyrir þá sem búsettir eru á höfuðborgars(v)æðinu og komust ekki í berjamó þetta haustið, þá er hægt að kaupa krækiber í Melabúðinni. Ég komst að þessu í kvöld og fjárfesti í einum dalli. Stefni á að mæta berjablár til vinnu á morgun.

visir.is

2008-09-05T17:35:00.002Z

Ég hef ákveðið að hætta lesa vísi.is eftir að hafa staðið mig að því að lesa frétt um upphandleggi Madonnu. Það voru meira að segja myndir. Hver ætli vinni við það að skrifa svona fréttir? Ætli þetta sé draumur viðkomandi um blaðamennsku að verða að veruleika? Og af hverju var ég að lesa hana? Núna segi ég stopp. Áfram Madonna með sínu ljótu upphandleggi!

Þjóðarstolt

2008-08-25T10:05:00.003Z

Ég var búinn að vera að rifna úr þjóðarstolti síðan á föstudag eftir leikinn gegn Spánverjum. Aðeins þurfti tveim af þrem fánalitum að bregða fyrir í einu og ég klökknaði, röddin brast og ég táraðist. Svona er þetta búið að vera alla helgina þangað til gærkvöldi.

Það þurfti kennslustund í þjóðarstolti frá Hemma Gunn og Valtý Birni til að fá mig af þessari braut. Þeir töngluðust á því að hversu frábært afrek handboltalandsliðið hefði nú unnið, sem það jú gerði og allt í góðu með það, en þegar þeir fóru að tala um hversu Ísland er langbest á öllum sviðum miðað við höfðatölu, þ.m.t. fallegast kvenfólkið, flestu farsímarnir, flestu skákmeistararnir og ég veit ekki hvað. Steininn tók úr þegar þeir þökkuðu víkingaeðlinu fyrir silfurverðlaunin. Jújú, fyrir þúsund árum var fólk sem sigldi milli landa. Nú hefur eðli þess sprottið upp í íslenska handboltalandsliðinu og skilað silfurverðlaunum. Skrítið samt að þetta sama eðli skildi ekki hafa skilað okkur á verðlaunapall í sundi og hniti. Bömmer, kannski eftir fjögur ár.

Eins þóttu mér varhugaverðar fullyrðingar Hemma Gunn um vöðvabyggingu svartra sem útskýrði hvers vegna sundfólk er oftast hvítt. Svart fólk er gott að hlaupa, hvítt fólk er gott að synda. Þannig er það bara, Hemmi Gunn sagði það.

Ísland farsældar frón

2008-08-18T20:55:00.003Z

Þá er ég kominn heim frá Madríd og Dyflinni. Það var ægilega gaman, ég labbaði um Madríd þvera og endilanga, borðaði fullt af góðum mat (bæði hefðbundnum og Vips) og lenti óvænt í götuveislu í La Latina hverfinu. Svo þegar við komum aftur til Dyflinnar buðu Rósa og Donald okkur út að borða og svo á pöbb þar sem Donald spilaði á fiðlu í sveit með sextugri gellu sem syngur og spilar á gítar, frönskum gítarleikara sem á von á barni með annarri söngkonunni sem á fjögur börn fyrir með fjórum mönnum. Fólk kann þetta á Írlandi. Því miður gleymdist myndavélin heima það kvöld, en var vel munuð aðra daga. Hér fylgja nokkrar svipmyndir úr fríinu.

Fleiri myndir er að finna hér:



Madrid y Dublin 2008

Uppfinningar Spánverja

2008-08-14T18:17:00.002Z

Nú er ég á Spáni og thad er fínt. Lendum í gaerkvoldi a thessum lika svakalega fina flugvelli. Toskurnar okkar komu naestum fyrstar a faeribandid, thad er merki um godan flugvoll.

I dag hofum vid gert ymislegt, skodad, verslad, labbad. Eg smakkadi m.a. sukkuladi med Karrýbragdi. Nammi namm. Thad er nú ekki thad eina sem Spánverjar hafa fundid upp og thykir frásagnavert, ó nei. Í morgun fór ég nefnilega í búdina her a horninu ad kaua morgunmat. I brauddeildinni rak eg augun i eitt thad allra merkilegasta sem eg hef sed a aevi minni held eg bara. Spánverjum hefur tekist ad finna leid til ad baka braud an thess ad fa skorpu! Já, thid lásud rétt, skorpan er barasta engin! Hvernig their fara ad thessu veit eg ekki. Braudid hlýtur ad bakast einhvernveginn svona inn í sig. Thetta er klárlega eitthvad sem a eftir ad berast til Islands a naestu arum. Braudhleifur, engin skorpa og orugglega endalaust líka!

España y Irlanda

2008-08-11T22:42:00.003Z

Annað kvöld (þriðjudagkvöld) held ég til Dyflinnar og á miðvikudagskvöld mun ég fljúga til Madrídar þar sem ég mun eyða restinni af vikunni. Með mér í för verða auðvitað Alma og Ramses. Gera má ráð fyrir að annað hvort verði glatt á hjalla og mikið skoðað eða ógeðslega heitt og mikið letilíf. Líklegra er að það verði hið síðarnefnda. Veðurspáin lofar góðu, 30-32 stiga hiti. Samkvæmt orðabók veðurstofunnar þýðir þetta mæjorkaveður.

Um helgina var splæst í súper myndavél sem við kunnum ekki á ennþá. Ég ætla að læra á hana úti á Spáni og má gera ráð fyrir að ég verði orðinn mikilsvirtur ljósmyndari þegar ég kem aftur með full minniskort í farteskinu. Sjá seinna myndir seinna.

Ég kveð því ykkur hér með, farinn úr landi.

Nágrannar

2008-07-28T21:58:00.004Z

Mér fannst Anna Pihl alltaf eitthvað svo kunnugleg þegar ég sá hana á skjánum og eftir að hafa fylgst með þrekraunum og hetjudáðum hennar í kvöld komst ég að því hvaðan ég kannast við hana.
Jú, bróðir hennar er fangi í Blegdamvej fængsel en það er fangelsið sem ég sá út um eldhúsgluggann minn í Kaupmananhöfn. Ég ef án efa séð hana heimsækja bróður sinn þegar ég bjó í Köben. Ekki grunaði mig þó að hún væri svona snjöll lögreglukona.

Gluggi Mads Pihl er fyrir miðri mynd á 3. hæð.

Skrifborð við glugga

2008-07-17T14:43:00.002Z

Kostir:
* Engin innilokunarkennd.
* Útsýni yfir Esjuna.
* Yfirsýn yfir veður og vinda.
* Nálægð útgönguleið ef kvikna skildi í.
* Ferskara loft

Gallar:
* Hiti frá sól þegar hún er til staðar
* Grettur frá fólki sem speglar sig í rúðunni og fattar ekki að ég sé það.
* Fjöldi fólks sem labbar framhjá með ís.
* Auglýsingaáreiti.
* Hætta á að fá yfir sig glerbrot við jarðhræringar.

Eins og þið sjáið er ekki tekið út með sældinni að vera skrifstofublók.

Thai

2008-07-15T19:41:00.003Z

Google er svakalega skapandi og hugmyndaríkt fyrirtæki. Eitt af þeirra hugmyndum eru google-auglýsingarna, margir kannast við þær. Google les síðurnar og velur svo auglýsingar sem passa við viðfangsefni síðnanna. Þetta er allt gott og blessað nema hvað ég er með tölvupóst frá Google og það birtast svona auglýsingar þar inni.

Um daginn átti ég í tölvupóstsamskiptum þar sem verið var að skipuleggja ferð á taílenskan veitingastað. Allt í einu sé ég að auglýsingarnar til hliðar urðu helst til vafasamar. Sjá mynd:

Nema hvað núna er ég ekkert að tala um neitt taílenskt en samt poppa svona auglýsingar ennþá upp. T.d. er ein á dönsku þar sem segir „Thailandsk giftemål: Thailandsk kjæreste og ekteskap. Se profiler og bli kontaktet-GRATIS“ og vísar ThaiLoveLinks.com. Google veit þarna greinilega að ég vann í Danmörku í fyrra sumar og setur þessa auglýsingu því þarna. Google skilur hinsvegar ekki að ég hef ekki áhuga á elskhuga frá taílandi, aðeins taílenskri matargerð (padthai núðlum þá helst).

Ég hef sennilegast eitthvað verið að skrifast á við einhvern og sagt frá að ég hafi verið með vöðvabólgu að undanförnu því þarna er auglýsing um nudd „Erótískt nudd,allt nudd Punktanudd,svæðanudd“. hmm...

Spurningin er bara hvenær veit google of mikið? Hvenær á maður að hætta að nota gmail við persónuleg samskipti sín. Það er stóra stóra spurningin.

Heimsóknir

2008-07-12T17:53:00.004Z

Það er alltaf gaman að fá heimsóknir og ennþá skemmtilegra þegar maður fær óvæntar heimsóknir. Nú á öldum gsm síma virðist sem færri og færri heimsóknir séu án fyrirspurnar fyrst. Því er maður ávallt hissa þegar bjallan hringir og maður á ekki von á heimsókn.

Það kom fyrir hjá mér í morgun. Það voru tveir menn sem sögðust hafa verið að spjalla við mikið af fólki hér í hverfinu mínu og fékk ég strax á tilfinninguna að tilefnið væri tengt veggjakroti (faraldur hérna í hverfinu skv. fundargerðum húsfélagsins) svo sagði hann eitthvað meira óljóst. Ég ákvað að vera ekki dónalegur og hleypti honum inn í stigaganginn (ekki inn í íbúð).

Jújú, það hlaut að vera ástæða fyrir því að hann talaði í svona óljósum setningum í dyra símann því ég hefði aldrei hleypt honum inn hefði ég vitað það sem ég vet í dag. Um leið og hann gekk inn sá ég að bæklingarnir sem hann hafði til að gefa mér voru gefnir út af Votta Jehóva. Hann hefur sennilega rekið sig á að það virkar ekki að segja „góðan daginn, ég er hérna frá Votta Jehóva, má ég koma inn?“.

Eins góður og maðurinn sem talaði var (hinn var þögull) þá náði hann ekki sambandi við mig. Ég til dæmis varð ekkert heillaður af sköpunarkrafti almættisins þegar hann sýndi mér mynd af stjörnuþoku. Ég þakkaði svo fyrir bæklingana, tók við upplestri úr biblíunni sem átti að höfða til trúlausra og að lokum spurði góði maðurinn hvort hann mætti koma í heimsókn seinna. Ég var með fullan munn af tannkremi og með tannburstann á lofti og hafði ekki í mér að segja nei heldur var það eina sem ég gat sagt „éhhg vehhh ah ekeehh“ (þýð. ég veit það ekki). Hvað þýðir það? Ég vona að hann komi ekki aftur í fyrramálið.

Mér finnst þetta fyndið

2008-06-24T22:49:00.002Z

Bloggfærslur

2008-06-22T19:56:00.002Z

Næsta bloggfærsla er væntanleg þegar andinn kemur yfir mig.

Svalir

2008-05-26T18:32:00.004Z

Það er komið grill og þvottur út á svalir. Já, það er komið sumar.

Skiptar skoðanir

2008-05-19T19:12:00.005Z

Það eru skiptar skoðanir um móttöku palestínskra flóttamanna til Íslands. Í sjónvarpsfréttum nú í kvöld var almennur Akranesbúi tekinn tali úti á götu og kvaðst hann alveg ætla að hætta að djamma þegar flóttafólkið kæmi. Ekki tengdist það hversu miklum tíma hann ætlaði að vinna sjálfboðaliðastarf í þágu flóttafólksins heldur því að nú þegar væri of mikið af Pólverjum væri í bænum að þegar flóttafólkið frá Palestínu kæmi í ofánálag yrði bara ekki lengur vært lengur á skemmtistöðum Akraness. Þessi almenni borgari tók það þó fram að henna hefði ekkert á móti útlendingum.

Viðbót 20.05.2008:
Ég er btw fylgjandi móttöku flóttamanna. Ástæður þess eru taldar upp í eftirfarandi bloggfærslu og ætla ég að nota hana til að rökstyðja mitt mál. Sjá http://adaltutturnar.blogspot.com/2008/05/flttamenn.html

Varðandi ummæli lögmanns

2008-05-06T09:26:00.003Z

,,Mín skoðun er að unglingstúlkur eigi afskaplega erfitt með að gera sér grein fyrir hvar mörkin liggja í þessum efnum" segir Sigurður Þ. Jónsson lögmaður séra Gunnars Björnssonar (presturinn á Selfossi sem hefur nú verið kærður) á vísi.is.

Mín skoðun er sú að unglingsstúlkur eru ekkert heimskar og að ef það er eitthvað vafamál hvort einhver samskipti unglingsstúlku og prests liggja á mörkum siðgæðis þá er það óviðeigandi.

Eins finnst mér málflutningur lögmannsins mjög óviðeigandi þar sem hann gerir lítið úr unglingsstúlkunni og ekkert úr trúverðugleika hennar.

Ungfrú Reykjavík

2008-04-26T16:22:00.002Z

Það var ung og glæsileg stúlka sem í gær þótti best í fegurð og persónuleika og var því valin Ungfrú Reykjavík. Þetta var þó tvöföld ánægja fyrir hana og í raun tvöfaldur titill því hún var einnig valin Sally Hansen stúlkan. Til hamingju!

Mótmæli

2008-04-24T15:40:00.004Z

Ég, sem ríkisstarfsmaður, tók nú heldur betur nærri mér orð Sturlu vörubílstjóra með meiru þar sem hann í Kastljósi í gær jós aur og drullu yfir ríkið og ríkisstarfsmenn og krafðist þess að Alþingi færi að vakna, ráðamenn vakni og tali við þjóðina án þess þó að skýra frá þeim kröfum sem voru kveikjan að þeim mótmælum sem í gær leiddu af sér fjölmiðlasirkus og táragas.

Án þess að ég ætli að verja aðgerðir lögreglu í átökunum sem brutust út í gær né heldur tala illa um málstað vörubílstjóra verð ég þó að segja að ef þeir ætla að fá samúð mína og stuðning fyrir aðgerðum sínum verða þeir að koma málstað sínum betur frá sér. Í Kastljósi í gær horfði ég á Sturlu halda því fram að hann hefði bara skroppið inn á Olís í kaffi, stöðvað vörubíl sinn löglega og hann alsaklaus maðurinn fórnarlamb hörku lögreglu. Jæja, gott og vel en lögreglan lagði samt hald á 15 flutningabíla í gær. Bílstjórar þeirra sennilegast líka bara verið í saklausum kaffibolla inn á Olís, já eða fengið sér sómasamloku í morgunsárið. Einmitt.

Þessi vitnisburður Sturlu hjálpar nú ekki vörubílstjórum og þeirra málstað. Að mínu mati væri réttast fyrir vörubílstjóra að fá sér nýjan talsmann. Einhvern sem getur komið á framfæri kröfum þeirra og komið með uppástundur um raunverulega lausn á málinu frekar en að mæta öskureiður í viðtöl hjá fjölmiðlum og kenna ríkinu um og biðja Alþingi um að vakna eins og Sturla gerði í Kastljósi í gær.

Ég get alveg fallist á og skil vel að atvinnubílstjórar skuli mótmæla háu bensínverði, hvíldartímaákvæðum og einhverju fleiru en vörubílstjórar verða einnig að átta sig á því að þeir eru ekki þeir einu sem þurfa að taka á sig auka kostnað vegna tíðra gengisbreytinga og því spurning hvort raunverulega sé verið að mótmæla háu bensínverði eða hvort mótmælin séu ekki bara leið reiðra manna og kvenna til að tjá pirring sinn yfir einhverju öðru.
Rétt í þessu var ég til dæmis að lesa frétt á visi.is þar sem sportbílaeigendur eru farnir að mótmæla. Mér þykir nú eitthvað bogið (ath. skaftfellskan framburð) við það samfélag þar sem sportbílaeignendur hafa stofnað hagsmunahóp sem telja sig eiga undir högg að sækja. Hver er talsmaður sportbílaeigenda? og hverju eru þeir að mótmæla?

Bloggleysi

2008-04-19T21:12:00.002Z

Rétt í þessu var mér bent á að tæpur mánuður er síðan ég bloggaði síðast. Það er nú með lengri blogghléum sem hér hafa verið tekin og ekki til eftirbreytni.

Heilmargt hefur gerst á þessum mánuði. Ég er ennþá að vinna hjá skattinum og líkar vel. Svo hef tekið að mér iðnaðarmennsku í aukaverkum, rifið niður baðherbergi gegn greiðslu og flutt búslóðir og baðker. Eins hef ég farið í bingó í Vinabæ. Ég kom vinningslaus heim en Alma var nærri því að fá vinning og kallaði BINGÓ en var þó full bráð á sér og uppskar ekkert annað en skerandi augnaráð annarra bingó unnenda og fastagesta Vinabæjar. Ætlunin er að fara aftur í Vinabæ og fara ekki út fyrr en þeim stóra hefur verið náð.

Málsháttur

2008-03-24T12:23:00.002Z

„Betra er lífið leift en mikið gleypt“ sagði páskaeggið númer 7 sem ég fékk frá vinnunni.

Hvað sagði þitt?

Páskaleyfi

2008-03-18T18:43:00.002Z

Já, á morgun held ég til Englands í páskaleyfi. Ég fann á mér hrun íslensku krónunnar og keypti mér gjaldeyri í byrjun nóvember 2005 og finn því fyrir þessarri fjármála dýfu sem nú á sér stað. Sem betur fer.

Páskaleyfinu verður að mestu eytt í Brighton en einnig í London að hluta. Ég hlakka til því það verður gaman gaman.
Jájájájá

Sjáumst eftir páska.

Framtalsfrestur

2008-03-11T13:09:00.003Z

Af gefnu tilefni vil ég minna fólk á að framtalsfrestur fyrir einstaklinga er 26. mars n.k.

Hafi þér ekki borist veflykill eða framtal í pósti í síðustu viku ert þú líklegast með varanlegan veflykil. Sækja má um nýjan veflykil á www.skattur.is hafi þinn glatast.

Fekari upplýsinga og aðra framtalsráðgjöf veiti ég hér í skilaboðaskjóðunni að neðan. Gangi ykkur vel.

Einmannaleiki

2008-03-02T13:58:00.002Z

Jæja, þá getur maður farið að taka gleði sína á ný, hún Alma er að koma heim eftir viku dvöl í Finnlandi. Ég er bara búinn að vera einn heima lifandi einmannalegu lífi piparsveinsins. Kjötfars og pylsur í matinn í öll mál. Skítugir sokkar út um allt, prumpufýla í svefnherberginu og óhreint leirtau í varskinum. En núna bind ég enda á það. Alma kemur heim eftir einn og hálfan tíma!

Svefnerfiðleikar

2008-02-27T00:08:00.002Z

Erfiðleikar með að festa svefn er ekki það fyrsta sem manni dettur í hug þegar ég er annars vegar. Augnlokin mín hafa verið í þyngri kantinum (eins fleiri líkamspartar) í mörg ár og hefur mér tekist að sofan á ótrúlegustu stöðum. Til dæmis á dekki í ferju, á þjóðarbókhlöðunni og í tannlæknastólnum. En akkúrat þessa stundina gengur hvorki né rekur með svefnmálin hjá mér. Klukkan farin að ganga eitt og vinnustundir nálgast óðfluga. Ég hef ýmislegt reynt en allt kemur fyrir ekki, ekki næ ég að sofna. Kannski má rekja þessa erfiðleika til þess að þegar ég kom heim úr vinnunni í dag var ég svo úrvinda að ég sofnaði og svaf í þrjá tíma. Jú sennilegast er skýringin sú, en hún seiðir á engan hátt þanni pirring sem skynsemi mín varðandi svefnvenjur hefur nú kveikt upp í mér.

Hvað get ég gert?

Tilkynningar

2008-02-18T17:28:00.005Z

TILKYNNING 1: HÆTTUR Í BÖRNUNUM, BYRJAÐUR Í SKATTINUM

Ég er kominn í nýja vinnu hjá Ríkisskattstjóra. Ég er andlit hans út á við. Hann heppinn! Brátt verð ég fróður í allskyns skatttengdu og pólskum nöfnum.

TILKYNNING 2: NÝR FJÖLSKYLDUMEÐLIMUR

Já það fjölgar hjá okkur hér á Sólvallagötunni. Við eignuðumst í gær George, en hann fundum við á rangri hillu í Hagkaupum (lífinu). Við tókum hann því að okkur hefur hann grillað fyrir okkur samlokur síðan og lofar að læra að elda eitthvað flóknara í framtíðinni.

Mynd af George

Nýtt upphaf

2008-02-15T08:40:00.001Z

Working 8-16. Spennandi. Stressaður. Hvernig reiðir mér af? Sjáum til.

Skautar

2008-02-10T20:47:00.000Z

Í morgun voru mörg, mörg ár síðan ég hafði farið á skauta. Nú seinnipartinn eru aðeins nokkrir tímar síðan ég fór síðast á skauta. Ég fór sumsé á skauta í Skautahöllinni í Laugardal í dag. Það var mjög gaman ef frá er talið að skautarnir sem ég fékk á leigu voru hræðilega þröngir særðu fætur mína. En ég lét það ekki á mig fá, skellti mér stoltur og hnarrreystur út á svellið og var sem sjálfur Evgeni Plushenko svifi þarna um, slíkir voru taktarnir.

Niðurstaða: Skautar eru hin besta íþrótt og holl fjölskylduskemmtun.

Húsverkin

2008-02-05T10:53:00.000Z

Eins og fleirum hundleiðast mér húsverkin, en þau þarf að gera til að halda sér lifandi. Ég hef því gert lista yfir húsverkin frá þeim leiðinlegustu til þeirra skemmtilegustu.

1. Brjóta saman og ganga frá þvotti.
2. Skrúbba.
3. Skúra
4. Taka til
5. Fara út með ruslið
6. Vaska upp
7. Búa um
8. Hengja upp á snúrur.
9. Ryksuga
10. Setja í þvottavél

Þar hafiði það! Þið megið gjarnan birta ykkar lista í skilaboðaskjóðunni hér að neðan.

Átak

2008-02-03T21:05:00.000Z

Það er mikið átak að halda sér vakandi.

Nýjasta tíska

2008-01-30T17:29:00.001Z

Fyrr í dag fékk ég sendan póst um fínan jogginggalla á netinu. Mér leist svona líka vel á hann og fór að skoða önnur föt á síðunni. Þetta er nú engin venjuleg föt sem seld eru þarna, heldur er þetta opinber Krists fatnaður http://www.officialchristwear.com. Og hverskonar fatnaður er það? Jú, það kemur fram fremst á síðunni hjá þeim. Hann er hannaður með það að markmiði að fötin sé nógu töff fyrir ungafólkið til að ganga í og geti jafnframt auglýst Konungdæmið (það himneska geri ég ráð fyrir) með stæl. Fötin veita þeim frelsi til að tjá sig í Kristi. Fatnaðurinn er nógu íhaldssamur fyrir fullorðna fólkið og fólk getur viðhaldið trú sinni og tollað í tískunni um leið!
Hver kannast ekki við að fara í venjulegar fatabúðir og kaupa drusluleg föt og missa trúna? Núna hendi ég guðlastsjakkanum sem ég keypti í London (einnig þekkt sem Sódóma og Gómorra) í fyrra og finn mér eitthvað annað!

Þessi ungi maður er töff, trúaður og tollir í tískunni.

Þorrablót og nýjar mublur

2008-01-27T19:00:00.000Z

Ég ætla ekki að hafa nein orð um úrslit Útsvarsþáttar föstudagsins. Ég tel að það sama eigi við og þegar íslenska landsliðið í öllum íþróttum er að spila að dómarinn var hallur undir Mosfellsbæinn. Hvers eiga Hornfirðingar að gjalda? Jæja, þetta er búið spil og Diddú er komin áfram.

En nóg um það. Í gærkvöldi var boðið til Þorrablóts í Sólheimum. Nóg var þar var af súru á boðstólnum en það var sem unglingaveikin alræmda gripi mig heljargreipum um leið og súrmaturinn fór innfyrir varirnar og naut ég því miður ekki matarains. Hangikjetið, stappan og músin voru aftur á móti til fyrirmyndar. Þorrablótið endaði ekki með dansleik eins og samnefnd skemmtun á Hornafirði heldur með Pictionary maraþoni sem kom blóþrýstingnum upp úr öllu valdi. Ekki er von á unglingaveikinni í kvöldmatnum í kvöld því von er á thaílenskum padthai á hverri stundu.

Í dag vorum við Alma vakin með þeim frábæru fregnum að nýjar mumblur væru á leiðinni, tveir stofu stólar. Það voru gleðifregnir og passa þeir fullkomlega í elliheimilishorn íbúðarinnar en þar er að finna gamlan glerskáp með gömlu og nýju stelli.

Útsvar

2008-01-21T17:57:00.000Z

Næsti föstudagur verður heldur betur spennandi. Að sjálfsögðu er Útsvar á dagskrá en í þetta skiptið er Hornafjörður að keppa. Já, það verður spennandi að sjá hvernig fer gegn úthverfa ógeðunum í Mosfellsbæ. Ég er strax orðinn spenntur og hver veit nema boðið verði til Útsvarsboðs á Sólvallagötunni. Nánari upplýsingar síðar.

Í Köbenhöfn er barn eitt fætt

2008-01-16T16:10:00.000Z

Það var að fæðast lítill mannfræðingur. Ég býð hann velkominn í heiminn og óska foreldrum hans til hamingju!

ATH þetta er ekki mynd af mannfræðibarninu sjálfu.

Snjór

2008-01-16T15:51:00.000Z

Úti kyngir niður snjónum, en ég fæ ekki að njóta hans því ég er látinn í tölvustofuna! Hmm... 3. bekkingar hlusta bara á Eminem. Hann hefur í það minnst nokkuð gott flæði. Dog.

Annáll

2008-01-08T21:43:00.000Z

Ég hef ákveðið að birta hér annál minn fyrir árið 2007 sem nú er liðið. Hvað gerðist?

Janúar
Þá var ég á Indlandi og hættur að fókusa á neikvæða hluti Indlands eins og skinkuleysi, biðraðamenningu og fleira sem fór í taugarnar á mér.

Febrúar
Þá var ég ennþá á Indlandi og að átta mig á því hvers vegna ég elska Mumbai. Eins fór ég í klippingu sem lukkaðist ágætlega. Eins var valentínusarveisla og ég velti fyrir mér áhrifum alþjóðavæðingar og bætts efnahags á Indlandi á lífið í borginni.

Mars
Enn var ég á Indlandi og að undirbúa mig undir lok starfsnematíðar minnar. Eins fór ég í dagsferð til Matheran, fékk magakveisu eftir að hafa borðað Sushi, ég sá fíl úti á götu, keypti hnetusmjör og skemmti mér vel á holi, hátíð lita. Eins sökkti ég mér í sudoku áður en ég fór í tveggja vikna ferðalag með rússneskum ferðafélaga. Það var sérlega áhugverð og skemmtileg ferð. Síðasta dag mánaðarins yfirgaf ég Indland loks og hélt til Kaupmannahafnar (með viðkomu á McDonalds í Dubai og Notting Hill í London.

Apríl
Þá settist ég að í Kaupmannahöfn og hóf sambúð með Ölmu. Ég fór í páskaheimsókn til Berlínar sem endaði með kappáti á páskahlaðborði. Svo fór ég í dagsferð til Malmö sem endaði með gallabuxnakaupum. Þá fékk ég vinnu sem smurbrauðs jómfrú og hélt matarboð þar sem hakk og spaghetti var á boðstólnum.

Maí
Fór ég í helgarferð til eyjarinnar Mön. Svo sá ég konungshjónin dönsku og sænsku ásamt ríkiserfingjum beggja landanna keyra á hestvögnum niður Strikið. Þá tók ég á móti mörgum gestum á heilmili okkar Ölmu við Læssöesgade.

Júní
Naut ég síðustu sólardaganna í Kaupmannahöfn því það sem eftir lifði sumri rigndi. Þá borðaði ég pönnukökur og hætti sem smjörbrauðsdama og byrjaði að vinna á leikskóla. Það var mikið lukkuskref.

Júlí
Í Júlí blómstraði ég í starfi. Eins bjó ég til Sushi og borðaði eþjópískan mat (ég var sá eini sem ekki fékk í magann). Eins jókst orðaforði minn í dönsku til muna, frá landeskinke og bondebolle til allskonar uppeldisorða. Eins flutti ég út úr hinni fínu en klósettlitlu íbúð við Læssöesgde. Lok mánaðarins voru svo fyllt „Balkan-bliss“ en ástríðufullt ferðalag um Slóveníu og Króatíu var vel heppnað.

Ágúst
Í ágúst voru endurfundir mínir við heimahagana. Ég flutti í nýja íbúð með henni Ölmu minni og hóf störf á Frístundaheimilinu Draumalandi við Austurbæjarskóla. Jibbí.

September
Þá keypti ég miða á Iceland Airwaves tónistarhátíðina og lenti í vandræðum með að fá launin í Danmörku mín borguð. Nú svo skipti ég um cýlinder á útidyrahurðinni.

Október
Nú, ég átti afmæli á fyrsta degi mánaðarins. Skemmtilegt. Þá komu hæfileikar mínir í að strauja perl í ljós. Eins sótti ég tónlistarhátíð og var einn heima á meðan Alma fór til Osló. Í lok mánaðarins bankaði drengur uppá hjá okkur og bað um grikk eða gjöf.

Nóvember
Í nóvember fékk bloggið yfirhalningu og ég lenti í hrakningum í nýrri Hagkaupsverslun. Þá bakaði ég smákökur og við Alma fengum barn að láni.

Desember
Þá drap ég jólastjörnu og undraðist skilgreiningar fjölmiðla á útlendingum. Þá óskaði ég öllum gleðilegra jóla og fór til Hornafjarðar.

Sko þar með kláraðist árið.

Nýtt ár

2008-01-06T18:06:00.000Z

Þá er komið nýtt ár. Ég nenni ekkert að segja strax þannig að þið verðið að láta ósk um farsæld nýju ári nægja í bili.

Lifið heil.

Gleðileg Jól!

2007-12-24T11:49:00.000Z

Ég óska lesendum þesa bloggs, leyndum sem sýnilegum, gleðilegra jóla og farsæls nýs árs. Ást og hamingja. Jafnrétti og friður.

Auglýsing

2007-12-18T14:13:00.000Z

Mig vantar sárlega að komast til Hornafjarðar yfir hátíðirnar og auglýsi ég hér með eftir fari þangað fyrir jól. Æskileg brottför er 22. eða 23. desember.

Búir þú svo vel að vita um far fyrir mig máttu gjarnan hringja í mig, skilja eftir skilaboð hér að neðan eða koma í heimsókn og segja mér frá. Ég borga að sjálfsögðu með mér.

Fjölmiðlar

2007-12-14T19:50:00.000Z

Fréttablaðið telur sig brjóta blað (Fréttablað?) í umræðu um erlenda starfsmenn í þjónustustörfum á Íslandi í dag. Þar á bæ þótti það nýtt sjónarhorn að tala við útlendingana sjálfa, meðal þeirra sem urðu fyrir svörum um verslunarhegðun og mannasiði íslenskra neytenda var Carolyn Linda Jeans starfsmaður IKEA. Hún er hálf íslensk og flutti til landsins árið 1982. Konan á myndinni við er ung og hefur sennilegast verið kornabarn eða að minnsta kosti á barnsaldri þegar hún kom til landsins. Er hún samt ennþá skilgreind sem útlendingur? Æ maður spyr sig.

Opinberun

2007-12-12T00:48:00.000Z

Eftir umræðurnar í samfélaginu undanfarnar vikur hefur eitt orðið ljóst...

Ég telst til öfgafeminista*. Að mínu mati er ég „bara“ feministi. Mér finnst það ekki vera blótsyrði og ég skammast mín ekkert fyrir það.

Þeir sem vilja svívirða mig er velkomið að gjöra svo í athugasemdakerfinu hér að neðan en athugið samt að þrátt fyrir þessa yfirlýsingu þýðir ekki að eigna mér allar gjörðir Feministafélags Íslands.

*Öfgar eru náttúrulega mjög huglægt mat.

Glitrar jólastjarna

2007-12-09T16:29:00.000Z

Eða nei. Jólastjarnan á þessu heimili er löngu hætt að glitra, hún er reyndar svo langt því frá enda farin að fella laufin og syngja sitt síðasta óþægilega löngu fyrir jól. Ekki eru nema tvær eða þrjár vikur síðan fjárfest var í henni og hefur heimilisfólkinu tekist að gera hennar virðulegu blöð að fortíðardraumum einum. Ekki er þó víst hvort um er að ræða vanrækslu eða ofeldi. Önnur pottablóm á heimilinu eru einnig að syngja sitt síðasta og er í raun ótrúlegt hversu lengi þau tóra þó. Ekki er nú mikil reisn á þeim né heldur glitra þau. Kannski að sjálfur djálkninn af Blómalandi ætti að afsala sér titli sínum.

Annars eru að nýir nágrannar að flytja í íbúðina hér fyrir ofan. Við Alma vorum búin að tala um það hversu hljóðlátir nágrannarnir væru og að það heyrðist bara ekkert á milli í þessari blokk (þó matarlyktin berist á milli). Við gleymdum þó að taka með í reikninginn að það býr enginn fyrir ofan okkur að það var því ekki fyrr en í þessarri viku sem við tókum eftir því að við í raun ættum nágranna. Best er þó að tala ekki illa um þau því ég er þess viss að þau heyra jafn vel í okkur og við heyrum í þeim. „Kauptu appelsín og malt og appelsín blandað“ skipaði frúin nú rétt í þessu. Ætla nú samt ekki að fara að nöldra og kvarta (eins og þegar einhver lagði í sérmerkt bílastæði okkar og ég skrifaði bréf sem byrjaði á orðunum „kæri mótoristi.“), heldur ætla ég að gefa þeim séns. Þau fá eina viku í viðbót til að koma sér fyrir en svo fer ég með þetta í húsfélagið!

Hvað sagði ég?

2007-12-03T11:54:00.001Z

Möguleikar-valkvíði

2007-12-03T11:25:00.000Z

Sjaldan eða aldrei hafa mér staðið jafn margir valkostir til boða um hvað gera skuli um jólin og þessa jólahátíð. En fjöldamörg kostaboð bjóðast mér nú this holiday season.

Fyrst má þar nefna valkost A. Það eru hefðbundin jól og áramót í faðmi fjölskyldunnar á Hornafirði sem innihalda meðal annars pakka undir jólatré á aðfangadagskvöld, jólaboð stórfjölskyldunnar, hugsanlegan stórdansleik á annan í jólum og svo auðvitað áramótaskaup. Hefðbundin og góð sérstaklega í ljós þess sem ég var á Indlandi um síðstu jól.

Valkostur B eru jól í Höfuðborginni. Ég veit ekkert hvað er í boði þar en held að það séu pakkar á aðfangadagskvöld, skírnarveisla (þó foreldrar barnsins sjálfs hafi ekki boðið mér þá hefur afi barnsins orðað mig við veisluna), kanamót, tælenskur og áramótaskaup. Ný af nálinni fyrir mig en þó ekki þrungin spennu.

Valkostur C eru hátíðarreisa til Bandaríkjanna sem inniheldur einna helst brúðkaup og sennilegast verslunarferð í vel valin moll. Spennandi því ég hef ekki séð vin minn í 5 ár og hann er að fara að gifta sig!

Valkostur D er ferð um Spán og Portúgal með Aiesec starfsnemum sem dvöldu á sama tíma og ég á Indlandi. Spennandi en óraunhæfur.

Eftir að hafa notað 50/50 möguleikann (snöggt yfirlit á heimabankann) þá eru eiginlega bara tveir kostir sem koma til greina og eru það kostir A og B. Ég geri ráð fyrir að valkostur A verði fyrir valinu en hugsanlega kemur einhverskonar blanda til greina (Abba?). Tíminn einn getur leitt í ljós hvað verður!

Verslunarferð - spurning hvort þessum pisli verði ekki bara eytt

2007-11-30T10:46:00.000Z

Í gær fórum við Alma í verslunarleiðangur í nýja verlsun Hagkaupa við Holtagarða. Það fyrsta sem við sáum voru ljósritaðar tilkynningar á veggjunum, sennilegast á pólsku, og bönnuðu reykingar (þ.e. ef textinn var eitthvað í tengslum við reykingabannstáknið).
Við áttu fyrst í mestu vandræðum með að komast inn í Hagkaup og vorum áður en við vissum af stödd í Max Raftækjum. Það tók okkur smá stund að átta okkur á því að Hagkaup væri á neðri hæðinni (það var NB bara ein hæð þegar IKEA var þarna) og löbbuðum við niður tröppurnar. Þær voru ekki tilbúnar, ekkert handrið komið og ennþá blautt undir flísunum. Þegar við komum niður gengum við beint í flasið á iðnaðarmönnum. Sennilega átti ekkert að nota þessar tröppur. Gegnum upp aftur og komum að rúllustiganum sem slökkt var á og enn var verið að festa gúmmí kantinn. Þegar niður var komið gengum við framhjá manni á hnjánum sem var að múra niður einhverjar lagnir í gólfið og svo inn í Hagkaup.

Jakkafötin á tilboði voru ein helsta lokkunin í þessa ákveðnu Hagkaupsverslun en þau reyndust hin ágætustu, en ekkert varð af kaupum í þetta skiptið. Við ákváðum því að kaupa smotterí í matinn og fara svo heim. En það var sama hvað við leituðum við fundum ekkert í matinn innan um alla matvöruna. Enduðum á því að borða skyndimat við útganginn.

Laugardagskvöld fullorðinna

2007-11-24T23:39:00.000Z

Það má með sanni segja að þetta laugardagskvöld sem brátt tekur enda hafi verið með eindæmum „miðaldra“ og langt í frá þeim bohem, kúlista hugsjónum sem ég hafði í huga þegar ég flutti til Reykjavíkur á sínum tíma.

Við Alma fengum nefnilega barn að láni og til að hafa ofan af fyrir því (jú og okkur líka) voru bakaðar jólasmákökur (tvær sortir) og heilt piparkökuhús reist og skreytt. Barnið komst í kynni við allskonar E-efni sem það er ekki vant dags daglega, þau var einna helst að finna í kökuskrauti.

Alma hafði frumkvæði að piparkökubakstrinum en ég ákvað hina sortina. Fyrir valinu urðu hnetusmjörskökur. Uppskriftir af slíkum kökum voru fjölmargar á netinu og valdi ég þá er lýsti kökunum sem „really chewy and highly addictive.“ Enn á eftir að láta á það reyna. Að loknum bakstri settist heimilisfólkið fyrir framan ríkissjónvarpið og horfði á Spaugstofuna og Laugardagslögin og hafði gaman af.

Skömmu eftir að ríkisdagskránni lauk var komið að háttatíma fyrir barnið og tími til kominn að slökkva á sjónvarpinu enda Meryl Streep að verða fárveik á skjánum, það vill maður ekki sjá. Hvað gerist á morgun sunnudag? Barninu verður skilað (enginn sunnudagaskóli af okkar hálfu) og líf okkar kemst vonandi í fyrri skorður bóhemlífs og kúlleika.

Draumfarir

2007-11-19T10:13:00.000Z

Í nótt var ég í sól og hita í Kaupmannahöfn, þar sá ég allskonar listviðburði og náttúruviðburði, þar á meðal sólmyrkva sem var eins og að horfa í gegnum kaleidascope. Þvílík vonbrigði að vakna svo í Reykjavíkur morgunmyrkrið.

Heill sé Jónasi!

2007-11-15T22:51:00.000Z

Af mbl.is:

Bæjarstjórn Garðabæjar hefur samþykkt að torgið sem nýtt hús Náttúrufræðistofnunar Íslands rís við í Urriðaholti í Garðabæ verði nefnt Jónasartorg.

Í tillögunni segir að fram til þessa hafi engin gata, vegur, stræti eða torg á Íslandi verið kennt við Jónas... og megi segja að það sé orðið tímabært með tilliti til stöðu Jónasar í íslenskri þjóðarvitund.

Jahh, maður verður eiginlega bara klökkur! Hvað er það við mig? er það bloggið eða... jahh ég bara veit ekki. Hvað getur maður sagt?

Hamingjuóskir

2007-11-07T09:34:00.000Z

Ég vil nota tækifærið og óska Leynilegum Aðdáanda og hans konu innilega til hamingju, en þeim fæddist í gær sonur! Hann er þeirra fyrsta barn.
Leynilegur Aðdáandi er dyggur lesandi þessa bloggs og met ég það mikils. Haltu áfram að lesa og alls ekki hætta að kommenta.

Með fyllstu virðingu,
Jónas

Myndasíða

2007-11-05T19:39:00.000Z

Ég var að fá mér myndasíðu og hef nú sett inn myndir frá Indlandi. Hugsanlega hafa einhverjir gaman af því. Kannski ekki.

Monday, Monday aaah Ahhh aaaah Ahhhh aaaa

2007-11-05T10:22:00.000Z

Ohh það er mánudagur. Mig langar í lengri helgi. Raunar fékk ég þriggja daga helgi, en helgin virðist aldrei hafa verið nógu löng þegar maður vaknar á mánudögum. En maður má nú ekki veslast upp og deyja, maður þarf að halda áfram. Lesa, lesa, læra, læra. Eftir hádegi tekur svo vinnan við. Það er ennþá vetrarfrí í grunnskólum Reykjavíkur en ég þarf samt að mæta í barnlausa vinnuna og gera það sem ég kvíði mest fyrir af öllu. Það á að fara í gegnum allt dótið og TAKA TIL! Púfff...

Nýtt útlit

2007-11-01T13:16:00.000Z

Þetta er fyrsta færsla í nýju útliti. Táknar þetta að nýir tímar séu framundan á blogginu? Nehh ætli það nokkuð...

Þessi vika er búin að vera bæði strembin og ánæguleg á sama tíma. Það strembnasta var náttúrulega að vera einn heima. Ofan á það var svo heimapróf í táknrænni mannfræði. Ég var fram á aðfaranótt miðvikudags að vinna í því og var ég kominn á svo mikið flug í kaffivímu að ég sofnaði ekki fyrr en klukkan var farin að ganga sex. Í tilefni þess tók ég mér frí fá vinnu á meða á prófinu stóð.
Í gær mætti ég svo hress aftur, einungis augnablikum eftir að hafa skilað prófinu inn, í vinnuna og beint í hrekkjavökufagnað. Ég klæddist indverskum kurta. Sum börnin héldu að ég væri kona. Heimsku börn.
Í dag er svo vetrarfrí í skólanum en ég fæ ekki frí heldur er námskeið að hætti ÍTR með fyrirlestrum, hópefli, leikjum og góðum mat. Á föstudaginn er svo launað frí! Takk Dagur. Villi gaf ekkert frí. Reyndar veit ég ekki hvort ég á að þakka Degi fyrir eða Birni Inga en hann er nýr yfirmaður Íþrótta og Tómstundasviðs Reykjavíkur.
Jæja, námskeiðið kallar!

2007-10-29T19:48:00.000Z

Dyrabjalla: ,,Ding-Dong"
Ég fer til dyra.
Strákur í karatebúning: ,,Grikk eða gott!"
Ég ringlaður: ,,Ha?"
Strákur: ,,Grikk eða gott"
Ég: ,,Já, ha? Já, OK. Hérna, sorrý, ég á ekki neitt"
Stákur: ,,Allt í lagi"

Má ég nú búast við að hann geri mér einhvern grikk á næstu dögum. Er þetta orðið til siðs hér á landi?

2007-10-29T14:27:00.000Z

Ég er einn heima í marga, marga daga. Það er ekki eins og gleymst hafi að vekja mig þegar fjölskyldan var að verða of sein út á flugvöll. Nei, það er bara þannig að Osló er talin vera fýsilegir kostur en að vera heima með mér. Hver veit hvað getur gerst hér á heimilinu á meðan? Allskonar þjófar gætu verið á ferð, hvernig ætti ég að verjast þeim ef þeir ákveða að brjótast hér inn?

2007-10-21T13:13:00.000Z

Gunnar í Krossinum er í Silfri Egils núna í þessum blogguðum orðum að gagnrýna nýja þýðingu Biblíunnar. Ekki ætla ég að taka afstöðu með eða á móti þessarri nýju þýðingu eða né heldur þori ég að segja að ekkert sé slæmt eða gott við þessa nýju þýðingu, enda hef ég ekki þekkingu á málunum. En það sem ég held að Gunnar sé að gleyma er að viðurkenna atbeina þeirra manna sem þýtt hafa Biblíuna í gegnum aldirnar. Er þeirra þýðing meira orð guðs en þeirra sem nú hafa þýtt Biblíuna á nútímalegra mál?

Annars er Airwaves nú alveg að verða búið og mikil lifandi skelfingar ósköp er búið að vera skemmtilegt. Ég er búinn að sjá fullt af skemmtilegum hljómsveitum, sumar komu mér á óvart, aðrar ollu mér vonbrigðum. Uppúr stóð stuðveislan með Chromeo í gærkvöldi. Svo tekur daglegt líf við á ný. Leiðinlegt var þó að geta ekki séð allt það skemmtilega á dagskrá. Til dæmis hefði ég alveg viljað sjá of Montreal, !!! og Bloc Party. En jæja, kannski bara á næsta ári.

2007-10-16T18:04:00.000Z

Það má með sanni segja að ég sé orðinn mjög góður í því að strauja perl. Hvert listaverkið á fætur öðru bráðnar saman undir straujárninu hjá mér og börnin hoppa yfir sig af ánægju!

2007-10-15T09:38:00.000Z

Eftir að hafa gætt sér á gómsætum kjötbollum í Ikea var í gær farið í fullorðinsleik en þar var fjárfest í ljósum í stofuna (nú á bara eftir að finna ljós á ganginn) og tveimur náttborðum auk nokkurra smáhluta. Leikurinn hélt áfram fram eftir kvöldi eða uns ljósin voru kominn upp í loft og náttborðin samansett. Enginn veit hvernær aftur verður farið í svona skemmtilegan leik.

Á þriðjudaginn mæta Oliver og Skibber dúndurhressir frá Danmörku og ætla að gista hér á Sólvallagötunni framyfir helgi sem er engin lítil helgi, því fjarfest hefur verið í miðum á Iceland Airwaves og því má búast við skemmtun mikilli um helgina. Ég vona bara að hár aldur minn komi ekki í veg fyrir að ég geti skemmt mér eins og það sé 1999, en það hefur ítrekað komið í ljós að úthaldi mínu á dansgólfinu hefur hrakað all verulega, svo mikið að ekki er víst að ég eigi nokkurntíman eftir að ná fyrri frama. Dancer in the dark no more. Ég er bara eins og Elaine Benes.

2007-09-30T23:47:00.000Z

Í tilefni afmælis míns þann 1. október mun ég bjóða uppá veitingar fyrir gesti og gangandi að heimili mínu frá klukkan 21, mánudaginn 1. október . Gjafir afþakkaðar.

Nær allir velkomnir.

kv. Jónas

Ps. Gott er að láta vita af komu sinni ef mögulegt er.

2007-09-25T22:19:00.000Z

Ég hef í góðra vina hópi látið út úr mér að þriðjudagsdagskrá sjónvarpsstöðvanna sé arfaslök og hreinlega til skammar fyrir íslenska þjóð. Þetta var áður en ég horfði á Heartland á Skjá Einum og sá að DR. JÓNAS er þar aðal maðurinn!

Dr. Jónas

Yes, Sir Dr. Jónas!

2007-09-24T18:12:00.000Z

Nú varpa ég fram spurningu til húsmæðranna sem eru á meðal lesenda.

Þegar maður er að elda fyrir betri helminginn og sá helmingur kemur ekki heim fyrr en eftir klukkan átta. Á ég þá að elda og hafa matinn til á eðlilegum matmálstíma (tuggugumínútur í sjö svo maður sé búinn að borða fyrir fréttir) og halda í mér svengdinni eða á maður að bíða með matinn og fá sér snarl klukkan sex ef maður er svangur?

Svara óskað samstundis!

2007-09-23T11:12:00.000Z

Ég er bæði hipp og kúl. Ég er búinn að kaupa miða á Iceland Airwaves! Jibbí.

2007-09-17T21:52:00.000Z

Ég er búinn að vera veikur um helgina. Úff hvað mér leiðist það. Búið er að kaupa hitamæli á heimilið en svoleiðis græju hef ég aldrei átt. Ekki virðist vera mark takandi á þessu nýja heimilistæki því það sýnir allt frá 35 gráðum uppí 37. Eins hef ég ekki náð að sofa almennilega á nóttunni en blunda ágætlega í sófanum á daginn þegar ég er að reyna að gera eitthvað nytsamlegt. Æ hvað þetta er pirrandi. Ég hef þó ekki ekki setið alveg aðgerðarlaus í dag. T.d skaust ég út í Bykó og keypti 2mm sexkant. Svo skrúfaði ég sundur læsinguna á útidyrunum tók sýlenderinn og fá nýjan.

2007-09-12T21:54:00.000Z

Hvað á ég að blogga um?

2007-09-04T12:33:00.000Z

Hafiði heyrt um manninn sem vann í Danmörku í sumar og fékk launin sín útborguð á reikning sem hann vissi ekki af, í banka sem hann hefur ekki verið í viðskiptum við? Maðurinn er núna að reyna að fá peningana sína en þá er bara búið að loka reikningum sem peningarnir fóru á og eftir situr maðurinn með vísareikning, húsaleigu og tóma vasa.

Já, fátt leiðinlegra en að fást við danskt bankakerfi.

2007-08-28T22:23:00.000Z

,, ...og útlit fyrir vætusama tíð." Sagði veðurfréttamaðurinn sem er nýr og enn svolítið hikandi á skjánum en kann greinilega sitt fag.

,,Úff. Meiri rigning?" Stundi ég uppúr mér um leið og minntist rigningasumarsins mikla í Kaupmannahöfn 2007.

,,Ætli maður verði ekki bara að líta á björtu hliðarnar í öllu þessu" hugsaði ég með mér um leið og ég horfði á auglýsingar frá einhverjum bankanum um leikstjórn á lífinu.
,,Hver er annars leikstjórinn í mínu lífi?" spurði ég sjálfan mig á meðan þulan sagði mér frá væntanlegum dagskrárliðum.
,,Hjá sumum er það einmitt bankinn, ekki hjá mér samt" var niðurstaðan hjá mér á meðan breski sakamálaþátturinn fór í loftið og ég fór að þreyfa um sófann eftir fjarstýringunni.

,,Verst að ég skuli ekki eiga neina vini sem gera einhverja svona skandala eða eiga við lauslætisvandamál að stríða" var svo það sem skaust upp í kollinn á mér á meðan ég skrifaði bloggið sem nú er komið á vefinn.

2007-08-26T22:07:00.000Z

Gott fólk, ekki þurfi þið að örvænta mikið lengur. Brátt helli ég mér út í skólastarfið á ný og þá byrja ég væntanlega að blogga eðlilega á ný eins og í gamladaga. Hugleiðingar um sjónvarpsdagskránna og skýringar á raunveruleikaþáttum verða þá væntanlega daglegt brauð hér.

Sýnið bara smá biðlund, þetta er allt að koma. Svo er líka komið net hérna heima og heimasími. Áhugasamir hafið samband við mig eða Ölmu eða Já og fáið númerið. Allt í lagi.

2007-08-11T20:28:00.000Z

Þá er ég kominn heim til Íslands eftir átta mánaða fjarveru og kominn með gamla númerið mitt aftur. Hvernig er svo að vera kominn heim? Jú, vatnið er guðdómlega gott, loftið það tærasta og pulsan sú besta. Annars hefur heimkoman einkennst af tollavandræðum og flutningspælingum.

Núna er ég kominn á Hornafjörð í faðm jökla og fjölskyldu eftir nokkurra daga dvöl í Reykjavík. Það er ægilega gott að koma hingað. og það kom mér á óvart hversu vel gekk í bílskúrnum í dag. Ég var sumsé að taka alla kassana mína úr bílskúrnum og bera þá útí bíl. Enn einu sinni er kominn tími á að koma sér fyrir í nýrri íbúð. Ég hef ekki tölu á því hversu oft ég hef flutt á síðustu árum, en það er oftar en ég kýs að muna. Innan skamms mun ég svo halda til Höfuðborgarinnar á ný og hefja búskap.
Það er samt alltaf ákveðinn spenningur sem fylgir því að flytja, en það eru bara allir kassarnir sem gera þetta verk leiðinlegt.

Brátt verður boðið til innflutnings veislu að Sólvallargötu 80 (sem er jú nýtt heimili okkar Ölmu) og hver veit nema þér verði boðið. Það er þó allt því háð að búið verði að taka upp úr kössunum, draslið komið úr tollinum og búið að raða húsgögnum þannig að sómi sé af.

2007-07-14T17:18:00.001Z

Þessum laugardegi, sem senn er að kveldi kominn, hefur verið eytt í hreingerningar. Úff hvað mér finnst leiðinlegt að flytja. Já, við erum að flyja núna. Á morgun skilum við lyklunum að þessari ágætu íbúð við Læssøsgade og flytjum inn í herbergi á kollegíi einhverstaðar lengst lengst í burtu þar sem dvalið verður í tvær vikur. Þá höldum við til Ítalíu, Slóveníu og Króatíu áður en við svo komum heim til Íslands í lok verslunarmannahelgar.

Í Kaupmannahöfn er búið að vera gaman. Hér er svo margt skemmtilegt og borgin falleg. Ekki hefur þó veðrið leikið við okkur að undanförnu né heldur var samlokubransinn mér til gleði né yndisauka. En núna uppá síðkastið hef ég verið hinn ánægðasti sem aðstoðarmaður leikskólakennara í Eplagarðinum. Börnin eru ótrúlega þæg, flest og skemmtileg. Bara nokkrir ólátabelgir sem þarf að siða til. Ég er að sjálfsögðu rétti maðurinn í verkið. Dönskunni minni hefur fleygt fram eftir að ég hætti í samlokunum og ég farinn að kunna alls konar orð sem ég annars hefði ekki lært:
"Ja, jeg vil gerne ha' kage?" (úr sandkasabakaríinu)
"BERTHRAM, BERTHRAM, SLÅ IKKE!" (hann er alltaf til vandræða)
"Vil du lave pusslespil?"
"Nej, du kan godt gynge selv" (ég nenni ekki að vera allan daginn að ýta krökkum í rólunni)
"Ojh, hvad dygtig"

Í kvöld verður gert hlé á hreingerningum og farið í bíó. Alma vill ekki sjá Harry Potter þannig að við förum á Oceans Thirteen. Spennandi?

2007-07-03T14:04:00.001Z

Hér á Læssøsgade er mikill og góður þurrkur þessa stundina og því er húsbóndinn að sjálfsögðu búinn að hengja út þvott, því ekki eru hér mikil tún fyrir heyskap (ef ég ætti tún væri ég að sjálfsögðu með orfið, ljáinn og baggavélina á lofti). Þurrkurinn er mikil tilbreyting frá rigningunni sem er búin að vera síðastliðna daga, vikur og mánuði. Í gær til dæmis varð ég svo blautur þegar ég hjólaði heim að ég þurfti að skipta um brækur!

Undanfarnar vikur hafa verið skemmtilegar. Hér voru franskir gestir í viku og var gaman að taka á móti þeim. Þau voru með mesta móti snyrtileg og þakklát (ég bjó m.a. til Sushi handa þeim og þau sögðu mig vera meistara). Við sýndum þeim borgina eftir bestu getu og held ég að þau hafi verið ánægð. Í kjölfarið kom svo Antti finski í heimsókn. Hann þagði eins og sannur finni og held ég að hann hafi verið ánægður með heimsóknina sína rétt eins og Frakkarnir, en þó er ég ekki eins viss.

Helstu fréttirnar eru þó að ég er kominn í nýja vinnu. Ég er ekkert í eldhúsinu eins og ég hélt upphaflega. Nei, þar er það hún Yang sem ræður ríkjum, ég er bara inná deild eins og hver önnur fóstra eða leikskólakennari. Jemm. Ég er hinn lukkulegasti með nýju vinnuna. Það er ekki hægt að bera hana saman við þá gömlu. Börnin eru ægilega þæg í minni umsjá eins og við mátti búast og skilja alla dönskuna mína. Þó eru sum börn sem mér líkar ekki eins vel við og önnur. Ég ætla bara að halda því fyrir mig sjálfan, en stelpan sem er tveggja ára tvífari Söndru Oh er að sjálfsögðu í uppáhaldi.

Sandra Oh

2007-06-18T11:57:00.000Z

Ég var rétt í þessu að segja upp vinnunni minni. En samtalið sem ég átti við yfirmann minn var með mesta móti skrítið. Ég hringdi í hann (vegna þess að ég er í fríi í dag, m.a. ástæða þess að ég er að segja upp) og var með hnút í maganum lengi, lengi og það tók mig langan, langan tíma til að manna mig upp í að hringja í hann. Hann á það til að vera helst til skapillur, hávær, nýskur og leiðinlegur þannig að það var mér ekkert svakalegt tilhlökkunarefni að færa honum þær fréttir að ég væri að segja upp og myndi hætta eftir viku.

Á endanum fór allt á besta veg. Hann notaði orðatiltækið súper-dúper. Ég í stressi mínu og spennufalli varð bara ringlaður, sagði bara hej (ísl. bless) og skellti á. Aldei hef ég heyrt um að yfirmenn segi súper-dúper þegar lykilstarfsmenn (er ég að ofmetnast?) segja upp með stuttum fyrirvara.

Ég er í það minnsta kominn með vinnu á leikskólamötuneyti þar sem ég fæ hærri laun og meiri vinnu og hugsanlega samskipti við börn. Jei!

2007-06-16T18:44:00.000Z

Á þessu heimili, þ.e. Læssøsgade 21, verða pönnukökur með kvöldkaffinu. Það dugir ekkert minna.

2007-06-12T07:08:00.000Z

Það er kominn þriðjudagur. Helgin var heldur betur viðburðarrík. Hér var fullt hús af frænkum og systrum (þó ekki neitt skildum mér). Það var grillveisla, farið á Jensens Bøfhus, í Tívolí og ég veit ekki hvað og hvað.

Helstu viðburðir eru sennilegast þegar við sáum Rannveigu Rist, Danadrottningu, Henrik prins og systur hennar Margrétar Þórhildar í Tívolí og ég missti tánögl.

Gaman gaman.

Ég er í fríi í dag og veit ekki hvað ég á af mér að gera. Eflaust eitthvað hægt að taka til, skúra o.s.frv. Æ...

2007-06-08T20:57:00.000Z

Þessi færsla er númer 667. Sumir stungu uppá því ég skyldi hætta að blogga á svona flottri tölu. En ég vil ekki hætta án þess að kveðja og því verð ég að hætta einhverntíman seinna. Kannski eftir 999 færslur.

En Kaupmannahöfn hefur nú skartað sýnu fegursta undanfarna daga. Sér í lagi hef ég fengið að njóta þess þar sem ég hef verið í fríi frá samlokunum. Úff hvað það er nú frískandi.

Núna er svo komið að maður þarf að fara að skoða næstu skref. Hvað skal gera í lífinu? Ekki nóg að vera bara til. Nú stendur til að yfirgefa Kaupmannahöfn í lok ágúst og halda heim á leið. Þó ekki heim á Hornafjörð heldur til höfuðborgar eyríkisins smáa. Já, svo er ég búinn að skrá mig í útskrift enn einu sinni og stefni að því að ljúka þeim áfanga í þetta skiptið. Búið er að redda þaki yfir höfuðið fram á vorið, en góður maður hefur ákveðið að þyggja af okkur Ölmu mánaðarlegar greiðslur og í staðinn fáum við að búa í íbúð hans að Sólvallagötu. Leiðinlegt að Na Na Thai er ekki með fría heimsendingu þangað.
Kostir íbúðarinnar eru margir ef miðað er við íbúðina hér á Læssøsgade. Plássi fyrir fleiri en einn í einu á klósettinu, það eru loftljós, íbúðin er ekki á lyftulausri 4. hæð, stutt er í heimilismatinn í Nóatúni og það er ekki fangelsi í bakgarðinum.
Gallarnir eru samt einhverjir en ég ætla ekki að tala um þá því það er neikvæðni.

Um helgina er fullt af gestum hér og það er gaman. Boðið var uppá morgunverðarhlaðborð útí garði í hádeginu í dag og var það vel heppnað. Sólin lék við hvern sinn fingur og hitinn var guðdómlegur. Raunar kom það örlitið niður á smjörinu. Að morgunverði loknum var haldið í búðir. Ég keypti ekki neitt.

Jæja, maður þarf að fara að taka sig til í andlitinu því á morgun er vinnudagur. Púúúúú.

2007-05-29T13:18:00.000Z

Hvar varstu þegar Kennedy dó? Það veit ég ekki, en ef það var klukkan 7 á laugardegi þá máttu bóka að ég var sko að borða kvöldmatinn minn frammí stofu!

Some people stand in the darkness
Afraid to step into the light
Some people need to help somebody
When the edge of surrender’s in sight.

Don’t you worry!
Its gonna be alright
‘cause I’m always ready,
I won’t let you out of my sight.

I’ll be ready (I’ll be ready)
Never you fear (no don’t you fear)
I’ll be ready
Forever and always
I’m always here.

-David Hasselhoff

2007-05-25T07:54:00.000Z

Ætli maður skrifi nú ekki eitthvað hér til að halda síðunni gangandi. Lífið í Kaupmannahöfn heldur áfram að vanda. Lessu Guesthouse að Læssøsgade 21 hefur verið fullbókað að undanförnu og hefur nýting á gistinóttum farið framúr björtustu vonum. Mikið er einnig um bókanir þannig að viðhorfum björtum augum til sumarsins.
Mest eru þetta Íslendingar sem gista dvelja hér til skemmri tíma en einnig hafa komið gestir frá Norður Ameríku og svo er von á fólki m.a. frá Frakklandi síðar í sumar. Ekki datt mér í hug að ég yrði ferðaþjónustuaðili þegar ég flutti til Kaupmannahafnar, en svona hefur þetta bara þróast og ekkert nema gott um það að segja.

Tekið er á móti bókunum í síma 6167 4540. Bókunarsími er opinn allan sólarhringinn.

Þannig er nú það. Ha?

2007-05-10T10:25:00.000Z

Dagurinn í dag var um margt markverður. Ég sá fullt af frægu fólki. Hverir voru það? jú...

Margrét Þórhildur Danadrottning

Henri Marie Jean André greyfi af Laborde de Monpezat (einnig þekktur sem Henrik Danaprins)

Friðrik Andri Henrik Kristján krónprins Danmerkur

Karl Gústaf XVI Svíakonungur

Silvía Renate Sommerlath Svíadrottning

Viktoría Ingrid Alice Désirée krónprinsessa Svíaþjóðar

Það er á allra vitorði og á hvers manns vörum að sænska konungsfjölskyldan er í opinberri heimsókn í Danmörku. Nú, vissu þið það ekki? Allavega þá þurfa þau jú að borða eins og annað fólk og var þeim að sjálfsögðu boðið í flottustu sjoppuna í bænum, þ.e. Croissant'en í hádegisverð.
Margrét Þórhildur fékk sér rugebolle með graflaxi og sinnepsdressingu og sagði manninum sínum að fá sér það sama. Friðrik krónprins Dana fékk sér bondebolle með skinku og osti og stóra kók. Sænska konungsfjölskyldan var á svipuðum nótum, Karl Gústav var mest hrifinn af Thai kylling í gurkemajbolle á meðan Silvía drottning fékk sér skinke ost croissant og íste með hyldeblomst bragði. Victoríu leyst ekkert á kjúklinginn þannig að hún fékk sér rugebolle með landeskinke og bað um að fá skorinn bree á samlokuna til viðbótar. Að drekka fékk hún sér vatn.

Þau voru svo södd og ánægð þegar þau fóru að þau skildu eftir Dkr 30 og Skr 40 eftir í tips. Vá!

Ath. Allt er lygi hér að ofan nema að ég hafi séð allt þetta fólk.

2007-05-08T14:31:00.000Z

Ég dreg til baka öll mín fyrri ummæli um hallærisleika Eiríks Haukssonar. Maðurinn er klárlega snillingur (þó hann tali norsku) og það sé ég núna. Ég biðst afsökunar ef ég skyldi hafa sært einhvern.

Héðan í frá er ég aðdáandi NÚMER EITT, TVÖ OG ÞRJÚ!

2007-05-07T14:54:00.000Z

Þá er helgin að mánudegi orðin og maður þarf aftur að takast á við samlokurnar. Það var erfitt að vakna í morgun enda var sunnudagurinn með þeim betri í síðari tíð og muna elstu menn ekki eftir annarri eins skemmtun. En hvað gerðist? Jú, lesið áfram og þið munið komast að því.

Bróðir Ölmu, hann Óli, og Sunna kærastan hans fóru úr landi og lánuðu okkur bílinn sinn á meðan. Við notuðum tækifærið og fórum út fyrir borgina og skelltum okkur í ,,mini-break to the country" eins og það er kallað. Við héldum á sólríkum laugardags eftirmiðdegi áleiðis til Manar (Møn). Eyjan sú er rómuð fyrir náttúrufegurð og rólegheit. Ekki vorum við svikin er við komum á rúmið & morgunmatinn þar sem við gistum. Um kvöldið héldum við svo til Stege (stærsta bæjarins á eyjunni) þar sem við skelltum okkur í svona ferðatívolí og á markað þar sem hægt var að kaupa allskyns hallærislegt dót. Svo fórum við á veitingastað og áðum og fórum svo heim á rúm & morgunmat að spila yatzy.

Daginn eftir tók á móti okkur dýrindis morgunverðarhlaðborð en ekki máttum við stoppa lengi við þar því dagurinn beið okkar fullur af ævintýrum. Það fyrsta sem við gerðum var að keyra í lítinn bæ og leggjast á ströndina og brenna. Eins spiluðum við meira yatzy og lásum vikublaðið Hjemmet. Er húð okkar var að stiknun komin skelltum við okkur á pizzastað, snæddum og héldum svo í bíltúr. Møn er með eindæmum falleg eyja eins og áður kom fram og var keyrt framhjá óteljandi ökrum með gulum blómum, tré í blóma, vindmyllur (nýtísku, ekki gamaldags) og gömlum húsum.

Eftir daglanga bílferð var svo haldið heim til Kaupmannahafnar á ný án vandræða. Komið var við í Præstø og sá fallegi bær skoðaður. En sú fallegheit.

Hér á eftir fylgir svo myndasería frá lífinu í Kaupmannahöfn svo og ferðinni til Manar.

Í Kongens Have á góðum degi

Kúl í Kongens Have

Í bíltúr með Oliver, Skibber og Rasmusi Klump

Við smábátahöfnina með krónprinsinum og fjölskyldu

Alma að sóla sig

På ströndin, sko

Alma mígur í saltan sjó

Vendmellör á Møn

2007-04-29T18:48:00.000Z

Jæja, maður er bara orðinn eins og hver annar róni. Liggjandi í Kongens Have sötrandi öl næstum upp á hvern dag. Sel svo dósir til að eiga fyrir næsta sopa. Já, svona getur farið fyrir manni ef maður passar sig ekki. Ég ætla að vera ykkur víti til varnaðar, þess vegna er ég að segja ykkur sögu mína.

Það er Reynir Traustason sem ritar sögu mína og hún kemur út fyrir næstu jól.

2007-04-20T19:02:00.000Z

Kaupmannahöfn, eða København eins og borgin er nefnd á dönsku, fer vel með mig. Eða það held ég. Hér líður mér afar vel enda borgin falleg, fólkið skemmtilegt og ligeglad. Ég er ekki lengur iðjulaus au-pair heldur er ég nú vinnandi maður. Maður að nafni Kenn annað hvort heillaðist af framúrskarandi ferilskrá minni eða sá aumur á mér er ég reyndi að selja mig á dönsku (ekki líkama minn, heldur vinnu) réð mig á mánudag. Jamm skjótt skipast veður í Lofti Jónssyni.

Ég er sumsé orðinn háttvirt smørrebrøds jomfru á stað er stendur við fínni enda Striksins*. Staðurinn heitir Croissanten og er bara fínn vinnustaður held ég bara. Mitt starf er þríþætt:
1. Smyrja samlokur.
2. Undirbúa hráefni sem fara skal á samlokur.
3. Vera myndarlegur til að bæta ímynd fyrirtækisins til að selja fleiri samlokur.

Til að vera löglegur innflytjandi og verkamaður í þessu landi þá þarf maður að fá sér kennitölu og skattkort. Ég hafði heyrt sögur frá Íslandi þar sem kennitöluúthlutun tekur allt að tveim vikum og var því ansi stressaður þegar ég fór og sótti um. En öfugt við fýldu búrókratíuna á Íslandi þá tók á móti mér glaðlynd kona sem bauð mig velkomin til Danmerkur með því að skilja dönskuna mína og tala hægt svo ég skildi hennar. Í lok samtals okkar rétti hún mér ný út prentað blað. Ég leit á það og spurð hvað þetta væri. Hún svaraði samstundis. Ég var þá bara kominn með kennitölu samstundis, og heimilislækni í ofanálag. Allt á 5 mínútum. Það er ekki að spyrja að Dönunum, þeir klikka ekki á þessu.

Annars er búið að vera gaman hjá okkur Ölmu að undanförnu. Við erum búin að halda þrjú matarboð á stuttum tíma. Óli bróðir Ölmu og Sunna kærastan hans komu í kjúklingarétt (og ís á eftir), Oliver og Skibber var boðið uppá einhvern mat (þeir fengu líka ís í eftirrétt) og svo kom Elín Ösp í gærkvöldi og snæddi með okkur hakk og spaghetti (og bauð uppá Paradisis á eftir). Svo er maður bara búinn að vera að slappa af og njóta lífsins. Það gerir manni bara gott, vænti ég. Þó eru blikur á lofti með að rassinn á mér sem datt af á Indlandi sé að vaxa á aftur, en það verður vonandi bara til þess að hnakkurinn á hjólinu verður mýkri.

Já, þá er ekki fleira í þættinum í kvöld. Veriði sæl.

Ps. Þið ykkar sem þekkið einhvern í Kaupmannahöfn sem vill gefa mér eða lána eða jafnvel selja mér hjólið sitt fyrir slik, eða lága fjárhæð mega láta mig vita.

*Valla, ég hugsa alltaf um brandarann þinn um mótmælendurna við Ungdómshúsið sem "gengu yfir strikið/Strikið þegar ég hugsa um götuna. Merkilegt hvað aulabrandar lifa lengi í minnum mínum.

2007-04-15T13:03:00.000Z

Vill einhver ráða mig? Ég er frískur, ungur og metnaðarfullur með lífsorku sem getur hagnast þér og þínu fyrirtæki.

Hringdu í mig í nýja danska númerið mitt, 6167 4540 og leyfðu atvinnutilboðunum að streyma.

2007-04-10T10:31:00.001Z

Góðan dag, góðan dag!

þá er komið að skriftum. Margt hefur á daga mína drifið að undanförnu. Ég fyrst að gera stutt yfirlit og segja svo frá í ítarlegra máli.

* Hitti Ölmu
* Sá fræga ástralska leikkonu/sjónvarpskonu/söngkonu/módel eða eitthvað (hún var allavega fræg) í London.
* Kom til Kaupmannahafnar og skildi ekki neitt
* Fórum til Malmö þar sem ég skilti allt
* Er atvinnulaus
* Fór í páskafrí til Berlínar
* Þarf að fara á fætur og taka til

Ég hef sumsé ekki setið auðum höndum að undanförnu. Ætli það hafi ekki verið sjö tímum eftir að ég sagði ykkur frá ævintýrum mínum í Dubai að ég hitti hana Ölmu á ný. Hún kom uppá London Heathrow að sækja mig. Það var ánægjulegt. Við áttum svo hálfan dag í London sem við notuðum í að villast i Notting Hill. Ég er orðinn ansi klár í að villast þar og getur systir mín vottað fyrir það, sælla minninga. Svo var flogið til Kaupmannahafnar. Ég, orðinn flugþreyttur og búinn að þróa með mér vott af flughræðslu, var ægilega feginn þegar lent var á Kastrup eftir örstutt flug (miðað við Indlandsflugið a.m.k.). Það fyrsta sem við gerðum var að skipta pundunum okkar yfir í danskar (ekki franskar). Ég kokhraustur spurði manninn í bankanum spurningar, hann svaraði mér með greinagóðu svari en ég skildi ekki orð. Þannig að ég þagði bara og lét eins og Alma væri liðveislan mín.

Daginn eftir komuna til Kaupmannahafnar skelltum við okkur Alma til útlanda, nánar tiltekið til Malmö. Eftir tæpan sólarhring í Köben þar sem tungumálið er bara e-d rugl var það kærkomin tilbreyting að koma til fyrirheitnalandsins enda er sænska sem söngur í eyrum mínum. Við fórum tilbage (ath. dönskusletta) til Köben um kvöldið.

Þá tók við vinnuvikan hja Ölmu og ég var einn eftir heima, atvinnulaus. Ég er búinn að senda út umsóknir til allskonar fyrirtækja. Í umsóknunum er ýmislegt sagt, t.d. stendur í einni að ég hafi gaman að útiveru! hahahah hahahha Ég vona að það fari að rætast úr þessu hjá mér bráðlega. Í dag ætla ég til dæmis að labba á kaffihúsið handan hornsins sem er að leita að starfskrafti. Vonandi að dönskuvitið hafi verið laumað í askinn minn í nótt. Ég krossa bara fingur og vona að það gangi eins vel og þegar ég fór og sótti um kennitölu. Það var bara eins og konan væri með skaftfellskan framburð á íslensku, svo vel skildi ég hana og hún mig.

Eftir nokkra daga í eymd og volæði var haldið í góðra vina hópi til Berlínar. Það var flogið með easyjet sem var bara fínt. Athygli mína vakti hversu stutt flugið var, það var varla búið að slökkva a sætisbelaljósunum þegar kveikt var á þeim aftur og flugfreyjurnar og freyjarnir máttu hafa sig alla við til að ná að selja bollasúpur og tax-free áður en lent var í Berlín.
Höfuðborgin þýska var bara nokkuð kúl og gaman að sækja hana heim. Þó verður það ekki af Þýskalandi tekið að þar býr skrítnasta fólk í heimi held ég bara. Sér í lagi er fyndið að sjá hversu vel fólki tekst upp með að velja sér týpu. Til dæmis strákurinn sem taglið og i leðurjakkanum sem hlustaði á þungarokk í vasadiskóinu sínu var eins og klipptur út úr unglingamynd frá cirka 1989 þar sem hann lék vonda unglinginn. Einnig má nefna pönkarann með hanakambinn sem er alveg eins og ég ímyndaði mér fólkið í Dýragarðsbörnunum þegar ég las þá ágætu bók. Sumsé Berlín er uppfull af einskonar sögupersónum úr skáldsögum, sjónvarpsþáttum og kvikmyndum síðastliðinna þriggja áratuga. Svoldið skondið.
Ég smakkaði þjóðarrétt Þjóðverja, ekki súrkál né schnitzel, heldur karrýwurst og þvílíkur viðbjoður! Ég, matmaður mikill og áhugamaður um fusion matargerð, hélt að þessi blanda af vestrænum unnum kjötvörum og indversku kryddi yrði einskonar closure og samflétting á upplifunum mínum sem víðförullu manneskju sem þekkir bæði inná vestræna menningu og indverska. Ef til vill gerði ég of miklar væntingar til pylsunnar, en það segi ég og skrifa að hún var ógó. Þó er ekki útilokað að það hafi verið kanil tómatsósan sem gerði útslagið en ekki pylsan eða karrýið.
Þetta lét ég þó ekki mikið á mig fá og hélt ótrauður að soða hinu ódýru borg. Við fórum á nokkra skemmtilega veitingastaðir og bari, t.d. íslendingabarinn 8mm þar sem eigandinn er íslengingur en vill það held ég ekki, eða a.m.k. varð hann voða pirraður þegar ég sagði takk er hann tók tóm glös af borðinu. Á páskadag fórum við á stað þar sem var páskahlaðborð. Það var ægilega gott, sér í lagi kjötbollurnar í villisveppasósunni. Við fórum í kappát þar sem ég vann ekki. En skemmtilegasti staðurinn var samt barinn þeira Helgu og Marínu. Þær eiga bar sem er innréttaður eins og hjá meðaltals Ömmu með ægilega smekklegu páskaskrauti í gluggunum. Við barinn var ungur maður sem valdi greinilega tónlistina sjálfur, extreme techno german style. Ég leyfi ykkur bara að ímynda ykkur restina.

En já, ég þarf nú að fara að taka til og svona áður en Alma kemur heim úr vinnunni. Annars lemur hún mig.

Uns we meet aftur, tjuss.

2007-04-03T08:43:00.000Z

ÍBÚÐIN MÍN

2007-03-31T09:19:00.000Z

Núna er ég í Arabíu. Ég fattaði það um leið og ég sá að McDonald's var með McArabia Combo meal á seðlinu sínum.

Ég er sumsé í Dubai. Hér er nóg hægt að kaupa, en ég hef bara keypt áðurnefnt McArabia og einn kaffibolla. Ég labbaði áðan einn hring í stærstu fríhöfn sem ég hef séð en keypti ekki neitt. Kannski að ég tælist í að kaupa mér einhverja merkjavöru á leiðinni að hliðinu á eftir.

Í kvöld lendi ég svo í London, insjallah, og þaðan held ég beint til Kaupmannahafnar daginn eftir. Maður er nú ekkert lítið mikill heimsborgari/hamborgari!

Ég held nú á vit ævintýranna þúsund og einnar nætur (gerðist það ekki hér í fríhöfninni?)

2007-03-25T11:23:00.000Z

Þessi fræga mynd af afgöngsku stúlkunni með grænu augun birtist á forsíðu National Geographic árið 1984. Nú 23 árum seinna sást á Indlandi rauðeygður strákur sem talinn er eiga eftir að komast á forsíðu National Geographic síðar á þessu ári. Augun, segja allt sem segja þarf. Að baki þeirra liggur ferðaþreyta, kuldi, pirringur yfir rússneskum ferðafélaga og öll sú reynsla sem Indland hefur að bjóða ungum mönnum sem sækja þetta fjölbreytta land heim. Hér að neðan er mynd sem náðist af ferðalangnum unga.

Jamm, ég er sumsé kominn heim. Ferðaplönin breyttust eilítið eftir að ég bloggaði um ferðina. Þannig er mál með vexti að ég, Dominika, Victoria og Kazu ætluðum saman en Kazu fékk fjölskyldu sína í heimsókn og Dominika fékk matareitrun þannig að á endanum voru það bara ég og hin rússneska Victoria. Þar sem Dominika var lögð af stað til Þýskalands þurfti ég að ferðast síðari hluta ferðarinn einn. Ég stytti hann því aðeins og einfaldaði þannig að eftir ítarlega ferð í gegnum Rajastan með Victoriu flaug ég einn austureftir og til Darjeeling og var þar einn að drekka te eins og komið hefur fram. Þar var ég í fjóra daga uns ég hélt til Kolkata með lest sem var með mús. Þaðan flaug ég svo heim til Mumbai, með millilendingu í Hyderabad (ekki í Pakistan samt). Ég lenti ég í gærkvöldi klukkan hálf 12 og var drullu feginn ad koma heim. Geta tekið rickshaw án þess að þurfa að rífast um okurverð fyrirfram og þekkja leiðina heim. Mmm... Einhverntíman set ég svo inn myndir og segi ýtarlega frá. Sennilega á sama tíma og ég set inn langa bloggið sem ég skrifaði fyrir áramót... hahahah. Ég kveð í kútinn.

2007-03-21T09:12:00.000Z

Namaste!

Eg er i Darjeeling og drekk te. Sumir halda ad eg se ordinn tesjukur. Eg vil ekki vidurkenna tad.

Her er hraedilega kalt (midad vid Mumbai) og tvi er eg buinn ad fjarfesta i jakka (sem er mun flottari en flisteppis ponchoid sem eg gekk med i morgun).

Bid ad heilsa ykkur. Blogga meira seinna, ta geri eg etv upp ferdalagid og syni myndir.

Kvedjur

2007-03-06T06:00:00.001Z

Eins, Zwei, Selfoß

'Eg er ad fara i ferdalag. Tad mun vera fra 9. mars til 27. mars. Fyrst verdur farid i ferd i gegnum Rajastan. Tar verdur stoppad i Udaipur, Jodpur, Jaisalmer og Jaipur. Tadan verdur haldid til Agra (tar sem Taj Mahal er) og svo til Dehli. Ekki endar ferdin to tar, o nei, o nei!

Tar byrar annar leggur ferdarinnar. Tadan verudr haldid til Lucknow, Allahbad, Varanasi, Patna og endad i Darjeling (ja, tadan sem teid kemur!). Ad tessu sinni get eg ekki farid til borgarinnar Bara Banki eins og mig langadi. Tad er samt allt i lagi enda litid ad sja tar, eins og nafnid a borginni segir til um.
I Darjeling er m.a. haegt ad sja Everestfjall, fara i rafting, hitta munka, borda thai-mat (tad segir Lonely planet allavega) og miklu miklu fleira. Ad verdur i Darjeling i allt ad fjora daga uns hadid verdur til Kolkata og flogid heim tann 27. mars.

I fyrsta legg ferdarinnar verdur mer til halds og trausts Victoria hin russneska, Dominika hin polsk-tyska og hugsanlega tveir indverskir vinnufelagar babuskunnar. Sushikokkurinn Kazu fra Japan aetladi ad koma med en ollum ad ovorum akvad mamma hans og systir ad koma i tessari somu viku tannig ad hann kemst ekki.
Seinnileggurinn verdur ogn famennari, en ta verda adeins eg og tjodernisbraedingurinn hun Dominika. Hvernig a felagskapurinn eftir ad reynast? Spyrjum ad leikslokum. Satt best ad segja er eg pinu hraeddur vid ta russann, tvi hun er held eg svolitid skapstor og skritin. Eg vona bara hid besta.

I odrum frettum er tad helst ad eg er enn litadur ad Holi. Taneglur minar eru bleikar sem lakkadar vaeru, har mitt er med raudum, gulum og graenum tonum eftir tvi hvar er horft og laeri og leggir minir eru bleikari en fjarhundagrisinn Babe. Svona verdur tetta vaentanlega ut vikuna.

Ja og svo tarf eg ad leggja fram kvortun. EG keypti Sudoku bok um daginn og hef verid ad spreyta mig a henni ad undanfornu. Einhver mistok hafa to att ser stad i uppsetningu og prentun bokarinnar tar sem all margar trautir sem merktar eru audveldar(t.e. fyrir folk sem heldur ad glogg geti ekki verid skeitt vid neitt annad ord en jola en ekki talna) eru bara alls ekkert audveldar.

2007-03-05T05:46:00.000Z

Í gær var Holi. Ég held að ég hafi aldrei upplifað skemmtilegri hátíð! Eins og Indland getur verið íhaldssamt og leiðinlegt stundum þá eru hátíðir eins og Holi eins og himnasending þar sem allir sleppa fram af sér beislinu og dansa, hlæja, drekka og borða saman svo ekki sé minnst á að maka hver annan út í öllum regnbogans litum. Googlið Holi til að vita meira eða smellið á linkin hér að neðan til að sjá með berum augum.

Myndir Roberts frá Holi

2007-03-01T05:07:00.001Z

Ad undanfornu hef eg gert ymislegt.

'A laugardag bordadi eg vont Sushi en fann bar sem spilar skemmtilega tonlist (ekki Shaggy og omurlegt R&B tar sem textinn er "I wanna fuck you". Tad var hressandi, en sushiid ekki (hrisgrjonin voru saet, ewwhh).

'A sunnudag helt eg i dagsferd til Matharan sem er fjall med kaldara loftslagi (samt ekki koldu) og utsyni. Svokollud Hill Station. Tad var gaman. Vid forum a hestbak sem kostadi okkur Rs. 100. Gaurarnir neitudu ad lengja i istodunum minum og sat eg tvi naestum a haekjum mer og gat ekki hleypt a skeid. Tad var lika bannad (Helga Lucia, hvad heitir gangurinn sem 'utlenskir hestar hafa ekki?). For med Marcusi fra BNA og Andresi fra Spani. Teir voru hinn besti felagsskapur.

'A manudag var eg ad labba heim ur vinnunni ad lestarstodinni er eg se utundan mer vorubil leggja svona uppvid gangstettina. Eg var half treyttur og er ekkert ad fylgjast med. Tegar eg leit upp var tad ekki madur a bil, heldur madur a fil. Fillinn var risastor og krumpadur og eflaust mjog tungur. Eg var sa eini sem veitti tessu einhverja athygli. stoppadi og glapti eins og tjodverji sem ser kveitk ljos i mannlausu herbergi. Ef bara eg hefdi verid med myndavelina a mer.

'A tridjudag var eg med magapinu. Eg bordadi ekkert nema sma sukkuladi og trjar hafrakexkokur og drakk gatorade. Reyndar leid mer betur um kvoldid og var skelfilega svangur tanngi ad eg pantadi mer kj'uklinga tikka (turran, ekki masala) og tvo roti (svona svipad og naanbraud nema odruvisi). Tad var gott.

'A midvikudag sotti eg um nordjobb i Kaupmannahofn og keypti hnetusmjor. Vidburdarikur dagur tad.

'I dag er eg ad vona ad eg sjai filinn aftur.

Hingad a skrifstofuna kemur alltaf kottur a morgnana og mjalmar eins og eg veit ekki hvad og bidur um mjolk. Yogita gefur honum stundum e-d sem er sennilega astaeda tess ad hann venur komur sinar hingad. Hann er med fallegri kottum sem eg hef sed. Kolsvartur, en glansandi feldurinn og vinalegur personuleikinn tala beint til min. Eg hef nefnt hann Fagra Blakk.

'Eg er buinn ad setja inn myndir fra Indlandi her til hlidar (tar sem stendur Myndasida Jonasar, en taer eru ekki mjog skipulagdar og ekki valdar af kostgaefni. Njotid teirra to. Innan skamms vonast eg til ad blogga med myndum og segja fra eins og gert er i sjonvarpinu, t.e. i mali og i myndum.

2007-02-21T05:47:00.000Z

Eg er ad slaepast i vinnunni. Slaemt. Ja. Tad er bara svo miklu audveldara tegar internettolvan er laus.

Var ad lesa visir.is og rak augun i frett um ovedrid i Oraefasveit. Ein setning serstaklega vakti athygli mina:

"Vindhraði fór upp í fimmtíu metra á sekúndu og lenti bíllinn í sviptivindum að sögn lögreglunnar á Höfn í Hafnarfirði."

Ha? Hofn i HAFNARFIRDI!!! Eg a ekki eitt aukatekid ord. Eg er kannski buinn ad vera lengi i utlondum og kannski hefur farid fram hja mer er logregluumdaemunum var breytt. En Hofn i Hafnarfirdi? Eg veit full vel ad tad er hofn i Hafnarfirdi er logregla tar?
Sennilegast er tetta i tengslum vid somu samfelagsbreytingar sem urdu til tess ad Eirikur Hauksson vann hug og hjortu Islendinga.

2007-02-19T08:52:00.000Z

Er bolludagurinn I DAG????

Eina bollan a Indlandi er eg og eg get ekki bordad mig. *grenj*

2007-02-19T05:24:00.000Z

Jaeja ta er kominn manudur og letilegasta helgi arsins lidin.
Eftir helgina eru nokkur tidindi sem ber haest og aetla eg ad fjalla um tau.

1. Eirikur Hauksson er ad fara i jurovisjon. OK, eg held ad uppskriftin af utbruna se tegar raudhaerdur madur i ledurbuxum segist vera rokkari (80's rokkari btw), fer i jurovisjon. To Lordi hafi unnid i fyrra er ekki tar med sagt ad Eirikur Hauksson se kominn aftur i tisku. Leidrettid mig ef eg fer med rangt mal.

2. Eg fekk sms um helgina fra mommu, i tvi stod. "Erum i Hafnarfirdi. Eigum brudkaupsafmaeli*. Vorum ad kaupa husbil." Ekki veit eg hvort brudkaupsafmaelisnottinnu var eytt i husbilnum. Teir sem vettlingi geta valdid vinsamlegast sendid mer mynd af bilnum.

3. A fostudag var eg uti ad borda a veitingastad sem heitir Mist og er rett hja Infiniti Mall a New Link Road (ef tid viljid skella ykkur). Eftir matinn sat eg tar med Andresi (ekki Ond) og vid vorum ad spjalla. Inn kemur ungt fallegt folk, m.a. tvaer ljoshaerdar stelpur. Eg bendi Andresi a og segi vid hann, eg er viss um ad taer eru islenskar. Andres sagdi ad adeins vaeri ein leid til ad komast ad tvi og hann for yfir til teirra og taladi vid tau. Kom i ljos ad onnur teirra er islensk og heitir Edda (ekki Hrund). Eg aetla ekki ad fara ad vera ad fara med morg ord um hversu litid island er eda bla bla bla tvi tad er hallaerislegt (eg er tad ekki) EN... Edda tessi byr i Reykjavik i naestu gotu vid Studentagardana. Svo a hun aettingja a Hornafirdi ogggg hun tekkir Evu Birgis og Bjarna Olaf. Hmm...

4. A fostudag for eg i klippingu. Eftir ad hafa lesid um ofarir Pals Heimissonar i Vinarborg er hann lagdist undir skaerin hef eg akvedid ad segja fra minni reynslu her i Mumbai. I "hinum tyskumaelandi heimi", eins og Palli ordar tad, tarf folk ad punga ut hverjum tiu evra sedlinum a faetur odrum fyrir hermannaklippingu (to folk bidji ekki um hana) og eyda heilum eftirmiddegi i vitleysuna.
Her a Indlandi er ollu ofugt farid. Tegar eg akvad ad fara i klippingu akvad eg ad, rett eins og palli, hafa vadid fyrir nedan mig og fara i klippingu innandyra (her er ekki oalgengt ad haegt se ad fa klippingu a gangstettinni). Eg gekk tvi i um 15 minutur fra heimili minu med lubbann flagsandi i golunni. Eg gekk inn og fekk strax saeti i stolnum. Eg var pinu full ad mer var ekki bodid blad ad lesa en tegar klippingunni var lokid attadi eg mig a tvi hvers vegna tad var ekki gert, tetta tok bara 10 minutur. Tad hefdi ekki tekid tvi ad borga askrift af Nyju Lifi eda Sed og Heyrt. Eg gekk tvi naest ad gjaldkeranum sem rukkadi mig um Rs. 50 (sem gera u.t.b. 75 islenskar kronur). Eg, anaegdur med tjonustuna, retti gjaldkeranum gladur 50 rupee-a sedil og skellti odrum 10 rupee-a sedli a bordid fyrir rakarann.
Allar ahyggjur minar um ad enda med indverska klippingu foru fyrir by, eini gallinn var ad hann greiddi mer indverskt (skipt i midju) en eg var ekki lengi ad rugla tvi tegar ut var komid. Eftir a ad hyggja takka eg gudi fyrir ad vera ekki fastu i hinni menningarlegu dyflissu sem er hinn tyskumaelandi heimur.
ATHUGASEMD. Kannski Pall gangi i her Bjorns Bjarnasonar med nyju klippinguna?

Aetli madur fari nu ekki bara ad segja tetta gott i bili. Froken Apparao, yfirmadur minn, er i burtu i tessari viku tannig ad eg leik lausum hala. Reyndar bjo eg mer til langan verkefnalista tvi eg tarf ad fara ad klara verkefnid mitt her og ganga fra lausum endum tvi Indland er bara ad verda buid. Tvi midur.

*Eins ars.